काठमाडौं । चालू आर्थिक वर्षको तेस्रो त्रैमाससम्म शिवश्री हाइड्रोपावर लिमिटेड नोकसानीमा रहेको छ । कम्पनी यस आर्थिक वर्षमा २८ करोड ९० लाखभन्दा बढी नोक्सानीमा रहेको छ । गत आर्थिक वर्षको यही त्रैमाससम्म कम्पनी १८ करोडभन्दा बढी खुद नोक्सानीमा रहेको थियो ।
यस त्रैमाससम्म कम्पनीले विद्युत् विक्रीबाट १७ करोड ९२ लाखभन्दा बढी आम्दानी गरेको छ । अघिल्लो त्रैमाससम्म कम्पनीले १३ करोड १३ लाखभन्दा बढीको विद्युत् विक्री गरेको थियो । अघिल्लो त्रैमाससम्म १९ करोड ६० लाखभन्दा बढी ब्याज खर्च गरेको कम्पनीले यस त्रैमाससम्म २७ करोड ७५ लाखभन्दा बढी ब्याज खर्च गरेको छ ।
हाल कम्पनीको चुक्ता पूँजी १ अर्ब ४७ करोड ६४ लाख रहेको छ । जगेडा कोष रकम भने २७ करोड ६ लाखभन्दा बढी ऋणात्मक रहेको छ । अघिल्लो त्रैमाससम्म कम्पनीको जगेडा कोष रकम १६ करोड १९ लाखभन्दा बढी ऋणात्मक थियो ।
