काठमाडौं । सोल्टी होटल लिमिटेडले चालू आर्थिक वर्षको तेस्रो त्रैमाससम्मको वित्तीय विवरण प्रकाशन गरेको छ । कम्पनीले यस अवधिमा १० करोड ८५ लाख मुनाफा आर्जन गरेको छ । गत वर्षको सोही अवधिसम्म कम्पनीले १३ करोड ६६ लाखभन्दा बढी नोक्सानीमा रहेको थियो ।
कम्पनीको आम्दानी यस वर्ष करीब १४१ प्रतिशत बढेको । गत वर्ष ३० करोड ८७ लाखभन्दा बढी आम्दानी गरेको कम्पनीले यस वर्ष ७४ करोड ३८ लाखभन्दा बढी आम्दानी गरेको हो ।
हाल कम्पनीको चुक्ता पूँजी ८४ करोड २५ लाख ७९ हजार रहेको छ । जगेडा कोष रकम गत वर्षभन्दा ४ दशमलव १३ प्रतिशत बढेर ६९ करोड ८२ लाखभन्दा बढी भएको छ ।
तेस्रो त्रैमाससम्म कम्पनीको प्रतिशेयर १ रुपैयाँ २९ पैसा र प्रतिशेयर नेटवर्थ १८ रुपैयाँ २९ पैसा रहेको छ । यस अवधिसम्म कम्पनीको मूल्य आम्दानी अनुपात १७८.४५ गुणा रहेको छ ।
