काठमाडौं । आज नेपाली बजारमा सुन चाँदीको भाउ बढेको छ । आज सुन तोलामा ८ सय रुपैयाँले बढेको छ ।नेपाल सुनचाँदी व्यवसायी महासंघका अनुसार अघिल्लो दिन बुधबारको तुलनामा आज बिहीबार छापावाला सुनको भाउ ८ सय रुपैयाँले बढेर प्रतितोला ९७ हजार ८०० रुपैयाँमा कारोबार भएको छ ।
त्यस्तै तेजावी सुनको भाउ पनि ८ सयरुपैयाँले बढेर ९७ हजार ३०० रुपैयाँमा कारोबार भएको छ । चाँदीको भाउ ५ रुपैयाँले बढेको छ । बिहीबार चाँदी तोलाको १ हजार २५० रुपैयाँमा कारोबार भएको छ ।
नेपाली बजारमा बुधबार छापावाल सुन तोलाको ९७ हजार रुपैयाँ र तेजावी सुन ९६ हजार ५०० रुपैयाँमा कारोबार भएको थियो । यस्तै चाँदी प्रतितोला १ हजार २४५ रुपैयाँमा कारोबार भएको थियो ।
