काठमाडौं । आज शेयर बजार नेप्से २२०४ अंकमा झेरर उकालो लागेको छ । आज नेप्से सर्वाधिक तल्लो विन्दुमा पुगेर नेप्से परिसूचक १७ दशमलव ९५ अंकले बढेर २२५६ दशमलव ५२ को विन्दुमा कायम भएको छ । १२ बजेर ३७ मिनेटमा सर्वाधिक तल्लो विन्दु २२०४ सम्म तल झर्यो । यहि विन्दुबाट सुधार हुने क्रममा आझै ५२ अंकले सुधार देखिएको हो ।
आज १३६ वटा कम्पनीको शेयर मुल्य बढेको छ भने ५२ वटा कम्पनीको शेयर मुल्य घटेको छ । आज बैंकिङ र माइक्रोफाइनान्स बाहेक सबै उपसुूचक बढेका छन् ।
आज दिनभरिमा २३३ वटा कम्पनीको ३३ लाख ४१ हजार २१४ कित्ता शेयर किनबेच हुँदा १ अर्ब ३२ करोड ६४ लाख रुपैयाँको शेयर करोबार भएको छ । आज सबैभन्दा धेरै नागरिक लगानीकोषको शेयर कारोबार भएको छ । आज कोषको ७ करोड ५३ लाख रुपैयाँको शेयर कारोबार भएको छ ।
त्यस्तै, हिमालयन डिष्टिलरीको ४ करोड ६० लाख रुपैयाँको शेयर कारोबार भएको छ । नविल बैंकको ४ करोड १५ लाख रुपैयाँको शेयर कारोबार भएको छ । एनआइसी एशिया बैंकको ३ करोड ६७ लाख रुपैयाँको शेयर कारोबार भएको छ ।
आज सबैभन्दा धेरै जाल्पा सामुदायिक लघुवित्तका लगानीकर्ताले कमाएका छन् । कम्पनीका लगानकिर्ताले १० प्रतिशतका दरले कमाएका छन् । घलेम्दी हाइड्रोपावरले ८ प्रतिशतका दरले कमाएका छन् । माउन्टेन एनर्जीका लगानीकर्ताले ८ प्रतिशतका दरले कमाएका छन् । हिमालयन
उर्जा विकासले ७ प्रतिशतका दरले कमाएका छन् । आज सबैभन्दा धेरै उन्नती सहकार्य लघुवित्तका लगानीकर्ताले गुमाएका छन् । कम्पनीका लगानीकर्ताले ४ प्रशिततका दरले गुमाएका छन् ।
