काठमाडौं । आज नेपाली बजारमा सुन चाँदीको भाउ घटेको छ । आज छापावाला सुनको भाउ प्रतितोला ८०० रुपैयाँ घटेर ९८ हजार २०० रुपैयाँमा कारोबार भएको छ । अघिल्लो दिन सुनको मुल्य २०० रुपैयाँले घटेर ९९ हजारमा कारोबार भएको थियो ।
नेपाल सुन चाँदी व्यवसायी महासङ्घका अनुसार आज तेजाबी सुनको मूल्य प्रतितोला ९७ हजार ७०० रुपैयाँमा कारोबार भइरहेको छ । अघिल्लो दिन आइतबार छापावाल सुन ९९ हजार र तेजावी सुन प्रतितोला ९८ हजार ५०० रुपैयाँमा कारोबार भएको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १० रुपैयाँले घटेर १ हजार २९० रुपैयाँमा कारोबार भएको छ । आइतबार चाँदी तोलामा २० रुपैयाँले घटेर १ हजार ३०० रुपैयाँमा कारोबार भएको थियो ।
