काठमाडौं । बीमा समितिले कुसुम शर्मा, ओम बहादुर अधिकारी र पदम प्रसाद सोडारीलाई उप निर्देशक पदमा बढुवा गरेको छ । त्यस्तै कानुन तर्फबाट हृदयश्वर पण्डितको बढुवा भएको छ । कार्यक्षमताको मूल्याङ्कनका आधारमा उनिहरुलाई बढुवा गरिएको बीमा समितिले जनाएको छ ।
बीमा समिति कर्मचारी सेवा शर्ता विनियमावली २०६८ बमोजिम सम्भाव्य उम्मेदवारहरुको विनियमावलीको विनियम ६० बमोजिम कार्य सम्पादन मूल्याङ्कन बापतको औषत अंङ्क, जेष्ठता, शैक्षिक योग्यता तथा सेवाकालिन तालिमको अंङ्क समेतको योगबाट सबैभन्दा बढी अंङ्क प्राप्त गरेको आधारमा बढुवा गरिएको हो ।
बढुवाका लागि ५ जनाले उम्मेदवारी दिएका थिए । समितिले उप निर्देशक पदमा बढुवाका लागि तीन जनाको सिट खुला गरेको थियो । उपनिर्देशकको दौडमा पुर्ण बहादुर थापा र राजेन्द्र महर्जन थिए ।
