काठमाडौं । फोन पेलाइ विदेशमा समेत भुक्तानी सेवाको लागी प्रयोग गर्न सकिने सेवा चाँडै नै शुरू गर्ने तयारीमा रहेको छ । पहिलो चरणमा विदेशी डिजिटल भुक्तानी माध्यमहरूलाइ फोन पेको संजालमार्फत् नेपालभित्र भुक्तानीको लागी जोडेको फोन पेले दोश्रो चरणमा सीमापार सेवा शुरू गर्न लागेको हो ।
फोन पेको माध्यमबाट चीनको यूनियन पे, अलिपे, भारतको राष्ट्रिय भुक्तानी संस्थान, भिसा लगायत ६२ वटा भुक्तानी साझेदारलाइ नेपालमा भुक्तानी कारोबार गर्न संभव बनाएको छ । फोन पे एक अन्तरक्रियात्मक संजाल हो, जसले बैंक तथा भुक्तानी सेवा प्रदायकबीच संजाल स्थापनामा सेतुको रूपमा सेवा प्रदान गरिरहेको छ ।
सूचना प्रविधिको माध्यमबाट भुक्तानी सेवामा सर्वसाधारणको सहज र व्यापक पहुँचलाइ सम्भव बनाएको छ । फोनपेले यो १ करोड ८० लाखभन्दा बढी नेपाली प्रयोगकर्ता र ६ लाख व्यापारीलाई अनलाइन कारोबार सञ्चालन गर्न सक्षम बनाएको छ ।
फोन पेको प्रवर्द्धक संस्था एफ वा सफ्टका अध्यक्ष विश्वास ढकालले भनेका छन्, हाम्रो भावी कदम भनेको नेपाली प्रयोगकर्तालाई फोनपे मार्फत विदेशमा भुक्तानी गर्न सक्षम बनाउनु हो । हामी हाम्रा भारतीय समकक्षी र भिसासँग यस सम्बन्धमा काम गरिरहेका छौं, र हामी आशा गर्छौं कि चाँडै अन्तर्राष्ट्रिय सेवा शुरु गर्नेछौं।
