काठमाडौं । मुक्तिनाथ कृषि कम्पनीले आइपीओ निष्काशनको लागि नेपाल धितोपत्र बोर्डमा निवेदन दिएको छ । कम्पनीले फागुन २० गते बोर्डमा आवेदन दिएको हो । कम्पनीले ४ करोड रुपैयाँ बराबरको ४ लाख कित्ता आइपीओ निष्काशन गर्नका लागि बोर्डसँग अनुमति माग गरेको हो ।
कम्पनीले आइपीओ निष्काशन तथा विक्री प्रबन्धकमा मेगा क्यापिटल रहेको छ । मुक्तिनाथ कृषि कम्पनीलाई इक्रा नेपालले इक्रा एनपी आइआर बीबी माइनस रेटिङ प्रदान गरेको छ । उक्त रेटिङले कम्पनीको वित्तीय दायित्व पूरा गर्ने सम्बन्धमा मध्यम जोखिममा राम्रो रहेको संकेत गर्दछ ।
उक्त रेटिङ निष्काशनकर्ताको समान्य क्रेडिट विश्वसनियतासम्बन्धी रायमात्र भएको इक्रा नेपालले जनाएको छ ।
