काठमाडौं । युनाइटेड मोदी हाइड्रोपावरले आज फागुन २६ गते साधारणसभा बोलाएको छ । सभा कम्पनीको रजिष्टर्ड कार्यालय हेरिटेज प्लाजा २, कमलादीमा बिहान ११ बजे शुरु हुने जानकारी गराएको हो ।
साधारणभाले सर्वसाधारण शेयरधनी समुहको तर्फबाट दुई जना सञ्चालकको निर्वाचन गर्ने भएको छ । दुई जना मध्येबाट एक जना महिला सञ्चालकको निर्वाचन गर्ने कार्यतालिका रहेको छ ।
सभामा सञ्चालक समितिको तर्फबाट अध्यक्षले प्रस्तुत गर्ने वार्षिक प्रतिवेदन उपर छलफल गरी पारित गर्ने प्रस्ताव रहेको छ । लेखापरीक्षकको प्रतिवेदन सहितको आर्थिक वर्ष २०७७/७८ को वासलात, नाफा नोक्सान हिसाव र नगद प्रवाहको विवरण लगायत वित्तीय विवरण उपर छलफल गरी स्वीकृत गर्ने सामान्य प्रस्ताव रहेको छ ।
सभामा विशेष प्रस्तावको रुपमा कम्पनीको उद्देश्य थप गर्ने रहेको छ । कम्पनीमा संस्थापक शेयर समेत सर्वसाधारण शेयमार परिणत भईसकेकाले सो सम्बन्धी प्रावधानहरु लगायत कम्पनीको प्रवन्धपत्र तथा नियमावली संशोधन गर्ने विशेष प्रस्ताव पारितका लागि पेश गरिने भएको छ ।
साधारणसभा प्रयोजनका लागि फागुन ५ गते एक दिन बुक क्लोज गरेको छ । फागुन ४ गतेसम्म कायम शेयरधनी साधारणसभामा भाग लिन पाउनुका साथै सञ्चालकको उमेदवारका लागि योग्य हुने छन् । साधारणसभा भर्चुअल माध्यमबाट विहान ११ बजे सुरु हुनेछ ।
