काठमाडौं । माघ १५ गतेदेखि सिनेमा हल, डान्सबार, दोहोरी, नाचघर, क्लब, हेल्थ क्लब, जिम खाना, स्वीमिङ पुल, फुटसल, पटके हाटबजार र मानिसहरुको भिडभाड हुने अन्य सबै प्रकारका कार्यक्रमहरु सञ्चालन गर्न नपाइने भएको छ ।
विश्वव्यापी महामारीको रपमा फैलिएको कोभिड १९ को नयाँ भेरियन्ट ओमिक्रोन सहितको संक्रमण नेपालमा समेत बढ्दै गएको भन्दै नेपाल सरकारको आदेशमा उपत्यका भित्रका जिल्ला प्रशासन कार्यालयहरुले यस्तो निर्देशन जारी गरेका हुन् । यो निर्देशन अर्को सूचना जारी नभएसम्म लागु हुनेछ ।
