काठमाडौं । बुटवल पावरले लाभांश प्रस्ताव गरेको छ । कम्पनीको मंसिर २८ गते सम्पन्न संचालक समितिको बैंठकले आर्थिक वर्ष ७७/७८ को मुनाफा बाट आफ्ना शेयरधनीलाई बितरण गर्ने लाभांश प्रस्ताव गरेको हो ।
कम्पनीले हाल कायाम चुक्ता पुँजीको १० प्रतिशत बोनश र १० प्रतिशत नगद गरी कुल २० प्रतिशत लाभांश प्रस्ताव गरेको हो । कम्पनीको आगामी साधारणसभाले पारित गरेपछि उक्त लाभांश लगानीकर्ताले प्राप्त गर्नेछन् ।
कम्पनीले आगामी पुस २६ गते साधारणसभा आह्वान गर्ने निर्णय गरेको छ । कम्पनीले साधारणसभा तथा लाभांश प्रयोजनको लागि पुस ११ गतेदेखि पुस २६ गतेसम्म बुक क्लोज गर्ने निर्णय गरेको छ । त्यसकारण पुस १० गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।
