काठमाडौं । बीमा कम्पनीहरुले चालु आर्थिक वर्षको पहिलो त्रैमाशिक अवधिमा शेयर बजारमा मात्रै १८ अर्ब १७ करोड रुपैयाँको लगानी गरेका छन् । सबैभन्दा धेरै जीवन बीमा कम्पनीहरुले १५ अर्ब ६९ करोड रुपैयाँ लगानी गरेका छन् भने निर्जीवन बीमा कम्पनीहरुले २ अर्ब ५० करोड रुपैयाँ लगानी गरेका छन् ।
जीवन बीमा कम्पनीहरुले पहिलो त्रैमाशिक अवधिमा विभिन्न क्षेत्रमा तीन खर्ब ८८ अर्ब रुपैयाँ लगानी गरेका छन् । जस मध्ये ४.०३ प्रतिशत शेयर बजारमा सूचिकृत कम्पनीको साधारण शेयरमा लगानी गरेका हुन् ।
त्यस्तै निर्जीवन बीमा कम्पनीहरुले ६३ अर्ब ३९ करोड रुपैयाँ लगानी गरेका छन् । जस मध्ये ३.९६ प्रतिशत सूचिकृत कम्पनीको साधारणस शेयरमा लगानी गरेको देखिन्छ ।
जीवन बीमा कम्पनीहरुको जीवन बीमा कोष धेरै हुने भएकाले उनिहरुको लगानीका क्षेत्र तथा दायार फराकिलो हुने गरेका छन् । बीमा कम्पनीहरुको लगानी हेर्दा उनिहरु दोस्रो बजारका ठुला लगानीकर्ता देखिएका छन् । नेपाल लाइफले सबैभन्दा धेरै ४ अर्ब ६ करोड रुपैयाँ लगानी गरेको छ ।
निर्जीवन बीमा कम्पनीहरुमा नेपाल इन्स्योरेन्स १० करोड, राष्ट्रिय बीमा कम्पनी ८५ करोड, हिमालयन जनरल २ करोड ८८ लाख, युनाइटेड ४ करोड ८२ लाख, प्रिमियर १५ करोड, सगरमाथा १३ करोड, प्रभु २६ करोड, नेको ९ करोड, आइएमई जनरल ४ करोड ९७ लाख, प्रुडेन्सियल १० करोड, शिखर ३७ करोड, नेपाल पुनर्बीमाको ९ करोड ४७ लाख रुपैयाँ शेयर बजारमा लगानी रहेको देखिन्छ ।
