काठमाडौं । चार्टर्ड क्यापिटल एण्ड इन्भेष्टमेण्ट लिमिटेडको पाँचौं वार्षिक साधारण सभा मंसिर २७ गते हुने भएको छ । सभा कम्पनीको रजिष्टर्ड कार्यालय, सरस्वतीनगरमा दिउँसो ३ बजे हुनेछ ।
सभा भर्चुअल माध्यमबाट हुने कम्पनीले जनाएको छ । कम्पनीको मंसिर ५ गते बसेको सञ्चालक समितिको बैठकले साधारण सभा गर्ने निर्णय गरेको हो ।
सभाले सञ्चालक समितिबाट सिफारिस भए बमोजिम शेयरधनीहरुलाई चुक्तापूँजीको १५ प्रतिशत बोनश शेयर र कर प्रयोजनका लागि ६ दशमलव शून्य ५ प्रतिशत नगद लाभांश गरी कुल २१ दशमलव शून्य ५ प्रतिशत वितरण गर्ने प्रस्ताव पारित गर्नेछ ।
साथै सभाले आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने, २०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने एजेण्डा पारित गर्नेछ ।
त्यस्तै, सभाले नयाँ सञ्चालक समितिको निर्वाचन गर्ने, कम्पनीको प्रवन्धपत्र र नियमावलीमा संशोधन गर्ने, अन्य कुनै लघुवित्तसँग मर्जर वा प्राप्ति गर्नु परेमा सो सम्बन्धी सम्पूर्ण कार्य गर्न सञ्चालक समितिलाई अख्तियारी दिने लगायतका प्रस्तावहरु पनि पारित गर्नेछ ।
