काठमाडौं । आज साताको पहिलो कारोबार दिन छापावाल सुनको मूल्य प्रतितोलामा ७ सय रुपैयाँले घटेको छ । आज सुनको भाउ तोलामा ९३ हजार ७ सय रुपैयाँमा कारोबार भइरहेको छ । अघिल्लो दिन प्रतितोला ९४ हजार ४ सयमा कारोबार भएको नेपाल सुन चाँदी व्यवसायी महासंघले जनाएको छ ।
नेपाल सुनचाँदी व्यवसायी महासंघका अनुसार आज तेजाबी सुनको मूल्य प्रतितोला ९३ हजार २ सय रुपैयाँमा कारोबार भइरहेको छ । गत शुक्रबार प्रतितोला ९३ हजार ९ सय रुपैयाँमा कारोबार भएको थियो ।
त्यस्तै आज चाँदीको मूल्य अघिल्लो कारोबारको तुलनामा प्रतितोला १५ रुपैयाँले घटेर एक हजार २६० रुपैयाँमा कारोबार भएको महासंघले जनाएको छ ।
