काठमाडौं । आज नेपाली बजारमा सुनको मूल्य घटेको छ । स्थानीय बजारमा अघिल्लो कारोबार दिन अर्थात् सोमवार १ हजार ५ सय रुपैयाँले बढेको सुनको भाउ आज २ सय रुपैयाँले घटेको नेपाल सुनचाँदी व्यवसायी महासंघले जनाएको छ ।
आज छापावाला सुनको भाउ प्रतितोला ९२ हजार ३ सय रुपैयाँमा कारोबार भइरहेको छ । हिजो सोमवार छापावाला सुनको मूल्य प्रतितोला ९२ हजार ५ सय रुपैयाँमा कारोबार भएको थियो ।
त्यसैगरी, आज तेजाबी सुनको भाउ प्रतितोला ९१ हजार ८ सय रुपैयाँमा कारोबार भएको छ । हिजो सोमवार तेजाबी सुनको भाउ प्रतितोला ९२ हजारमा कारोबार भएको थियो ।
आज चाँदीको मूल्य भने स्थिर रहेको छ । सोमवार प्रतितोला १ हजार २५० मा कारोबार भएको चाँदी आज पनि सोही मूल्यमा कारोबार भइरहेको छ ।
