काठमाडौं । मध्य भोटेकोशी जलविद्युत कम्पनीको आइपिओ बाँडफाँड सम्पन्न भएको छ । बाँडफाँडको नतिजा थाहा पाउन अझै दुई घण्टा कुर्नु पर्ने क्यापिटलले जनाएको छ ।
आईपीओको नतिजा कम्पनीको वेबसाइट, बिक्री प्रबन्धक एनआईविएल एस क्यापिटलको वेबसाइट, सिडीएससीको मेरो शेयर र सिडीएसको नयाँ वेबसाइटबाट हेर्न सकिने छ । जस मध्ये भोटेकोशीको वेबसाइट यहाँ क्लिक गर्नुहोस् , बिक्री प्रबन्धक ग्लोबल आइएमई क्यापिटलको वेबसाइट यहाँ क्लिक गर्नुहोस्, सिडीएससीको मेरो शेयरको वेबसाइट यहाँ क्लिक गर्नुहोस् , सिडीएसले आईपीओको लागि संचालन गरेको वेबसाइट यहाँ क्लिक गर्नुहोस् बाट हेर्ने सकिने छ ।
कम्पनीको प्राथमिक शेयर ८ लाख १९ हजारले १०/१० कित्ताको दरले प्राप्त गरेका छन् । त्यस्तै कम्पनीका कर्मचारीहरुले ३ लाख ६० हजार कित्ता र म्युचुअल फण्डहरुले ४ लाख ५० हजार कित्ता शेयर प्राप्त गरेका हुन् ।
कम्पनीले असोज २० गतेदेखि २५ गतेसम्म सर्वासाधारणका लागि प्राथमिक शेयर निष्काशन गरेको थियो । उक्त अवधिमा २० लाख ८८ हजार भन्दा धेरैले तीन करोड ६ लाख कित्ता भन्दा धेरैका लागि आवेदन दिएका थिए ।
आईपीओ निष्काशनका लागि गराएको रेटिङ्गमा केयर रेटिङ्ग नेपालले कम्पनीलाई केयरएनपी डबल बी आईएस रेटिङ्ग प्रदान गरेको छ। यसले कम्पनीले वित्तीय दायित्व पुरा गर्न सक्ने सम्बन्धमा मध्यम जोखिम रहेको जनाउँदछ।
