काठमाडौं । नेपाल स्टक एक्सचेन्जमा मैलुङ खोला जलविद्युत् कम्पनी लिमिटेडको साधारण शेयर सूचिकृत भएको छ । कम्पनीको ३६ लाख ८१ हजार ४३० कित्ता शेयर सूचिकृत भएको हो । नेप्सेले कम्पनीलाई कारोबारको लागि एमकेजेसी (MKJC) सिम्बोल प्रदान गरेको छ ।
नेप्सेले कम्पनीको आईपीओलाई पहिलो कारोबारको लागि न्यूनतम ९५ रुपैयाँ ७५ पैसादेखि अधिकतम २८७ रुपैयाँ २५ पैसा ओपनिङ रेञ्ज प्रदान गरेको छ । कम्पनीको आईपीओ भोलिबाट धितोपत्र दोस्रो बजारमा कारोबार हुनेछ ।
कम्पनीले साउन १४ गतेबाट साउन १९ गतेसम्म प्रतिकित्ता १०० रुपैयाँ अंकित दरमा ७ करोड ३६ लाख २८ हजार ६ सय रूपैयाँ बराबरको ७ लाख ३६ हजार २ सय ८६ कित्ता साधारण शेयर निष्काशन तथा बिक्री खुला गरेको थियो ।
