काठमाडौं । आज नेपाली बजारमा सुन चाँदीको मूल्य घटेको छ । गत साता तोलामा ९० हजार ७ सय रुपैयाँमा कारोबार भएको छापावाला सुनको मूल्य आज ४ सय रुपैयाँले घटेर तोलाको ९० हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
त्यसैगरी, तेजावी सुनको मूल्य आज तोलामा ८९ हजार ८ सय रुपैयाँमा कारोबार भएको छ । आज आइतबार चाँदीको मूल्य पनि घटेको छ । गएको शुक्रबार तोलाको १ हजार २१५ रुपैयाँमा कारोबार भएको चाँदीको मूल्य आज २० रुपैयाँले घटेर तोलामा १ हजार १९५ रुपैयाँमा कारोबार भएको महासंघले जनाएको छ ।
