काठमाडौं । मानुषी लघुवित्त वित्तीय संस्थाको प्राथमिक शेयर (आइपीओ) प्रि अलोटमेन्ट आज हुँदैछ । कम्पनीले आज प्रि अलोटमेन्ट सम्पन्न गरी नियामक निकाय नेपाल धितोपत्र बोर्डमा स्वीकृतिका लागि पठाउने र उताबाट स्वीकृति आएमा आगामी साताको सोमबार बाँडफाँड गर्ने सम्भावना रहेको विक्री प्रबन्धक एसबिआई मर्चेन्ट बैंकिङले जानकारी दिएको छ ।
कम्पनीले साउन २७ गतेदेखि साउन ३१ गतेसम्म प्रतिकित्ता १०० रुपैयाँ दरमा ३ करोड ९३ लाख ७५ हजार रूपैयाँ बराबरको ३ लाख ९३ हजार ७ सय ५० कित्ता आईपीओ निष्काशन गरेको थियो । जसमध्ये ५ हजार ४६९ कित्ता कर्मचारीहरुका लागि र ५ प्रतिशत अर्थात १९ हजार ६८८ कित्ता सामूहिक लागनी कोषहरुलाई सुरक्षित गरिएको छ भने बाँकी ३ लाख ६८ हजार ५९३ कित्ता शेयरका सर्वसाधारणहरूका लागि छुट्याइएको थियो ।
अन्तिम दिनसम्ममा कम्पनीको आइपीओमा २४ लाख ३ हजार ५५ जना आवेदकले ३ करोड ६ लाख ३२ हजार ४ सय ५० कित्ताको लागि आवेदन दिएका थिए । सर्वसाधारणका लागि माग गरिएको भन्दा ८३.१० गुणा धेरै आवेदन हो ।
