काठमाडौं । आज नेपाली बजारमा सुनको मूल्य बढेको छ । स्थानीय बजारमा अघिल्लो हिजो बुधवार ६ सय रुपैयाँले घटेको सुनको भाउ आज बिहीवार ८ सय रुपैयाँले बढेको हो ।
आज छापावाला सुनको भाउ प्रतितोला ९० हजार ८ सय रुपैयाँमा कारोबार भएको छ । बुधवार छापावाला सुनको मूल्य प्रतितोला ९० हजार रुपैयाँमा कारोबार भएको थियो ।
त्यसैगरी, तेजाबी सुनको भाउ प्रतितोला ९० हजार ३ सय रुपैयाँमा कारोबार भएको छ । बुधवार तेजाबी सुन प्रतितोला। ८९ हजार ५५० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
यस्तै, बिहीवार चाँदीको मूल्य पनि बढेको छ । बुधवार प्रतितोला १ हजार २९० रुपैयाँमा कारोबार भएको चाँदीको भाउ आज बिहीवार २० रुपैयाँले बढेर १ हजार ३१० रुपैयाँमा खरीदविक्री भइरहेको छ ।
