काठमाडौं आजदेखि अपर तामाकोशीको बिजुली राष्ट्रिय प्रसारण लाइनमा जोडिने भएको छ । नेपाल विद्युत प्राधिकरणको आज असार १३ गतेदेखि १९ गतेसम्म आयोजना परीक्षण गरी राष्ट्रिय प्रशारणलाइनमा जोडिन लागेको जनाएको छ ।
यस अवधिमा खिम्ती–लामोसाँघु १३२ केभी प्रसारण लाइन बन्द गरिने प्राधिकरणले जनाएको छ । प्राधिकरणले सो समयमा प्रणालीमा विद्युत नपुग्ने भएकोले ढल्केबरदेखि कोहलपुरसम्मका सबस्टेशनहरुबाट विद्युत आपूर्ति हुने क्षेत्रका औद्योगीक ग्राहकहरुको विद्युत बन्द हुन सक्ने समेत जानकारी गराएको छ ।
