काठमाडौं । आज शेयर बजार नेप्से परिसूचक सामान्य अंक ( ० दशमलव २१) अंकले घटेर २,९०६ दशमलव ७० को विन्दुमा कायम भएको छ । आज १५ अर्ब ८१ करोड रुपैयाँको शेयर कारोबार हुँदा सबैभन्दा धेरै नेपाल पुनर्बीमाको भएको छ । कम्पनीको ६२ करोड १७ लाख रुपैयाँको शेयर कारोबार भएको छ । कम्पनीको शेयर मुल्य २६ रुपैयाँले बढेर १९ सय १ रुपैयाँ कायम भएको छ ।
त्यस्तै, निफ्राको ४६ करोड ६२ लाख रुपैयाँको शेयर कारोबार भएको छ । नेशनल हाइड्रो पावर कम्पनीको ४३ करोड ५६ लाख रुपैयाँको शेयर कारोबार भएको छ । लुम्बिनी विकास बैंकको ४३ करोड २४ लाख रुपैयाँको शेयर कारोबार भएको छ ।
