काठमाडौं । साताको तेस्रो कारोबारको दिन (मंगलबार) नेप्से परिसूचक ११ दशमलव २६८ अंकले घटेर २७७१ दशमलव १५ को विन्दुमा कायम भएको छ ।आज दिनभरिमा २ सय १६ वटा कम्पनीको १ करोड ९७ लाख ८३ हजार ३ सय ३५ कित्ता शेयर किनबेच हुँदा ८ अर्ब ५९ करोड रुपैयाँमाथिको शेयर कारोबार भएको छ ।
नेपाल पुनर्बीमा कम्पनीको ५७ करोड ८ लाख रुपैयाँ माथिको कारोबारको सर्वाधिक शेयर कारोबार भएको छ । त्यस्तै हिजो पनि सार्वधिक कारोबार भएको लुम्बिनी विकास बैंकको ३० करोड ३३ लाख रुपैयाँ बराबरको शेयर कारोबार भएको छ।
कालिका पावर कम्पनीकोे शेयर १० प्रतिशतले बढेको छ भने सर्वाधिक कारोबार भएको लुम्बिनी विकास बैंकको शेयर ८ दशमलव २५ प्रतिशतले बढेको छ।
दिव्यश्वरी हाईड्रोपावरका लगानीकर्ताले ५ दशमलव ०२ प्रतिशतका दरले गुमाएका छन् भने जोशी हाईड्रोपावरका लागनीकर्ताले ४ दशमलव १७ प्रतिशतका दरले गुमाएका छन् ।
