काठमाडौं । एशियन लाइफ इन्स्योरेन्स कम्पनीले चालु आर्थिक वर्षको तेस्रो त्रैमासिक अवधिमा ३९ प्रतिशतले मुनाफा बढाउन सफल भएको छ । कम्पनीले ९ महिनाको अवधिमा १८ करोड २१ लाख रुपैयाँ मुनाफा आर्जन गरेको छ । गत वर्षको यहि अवधिमा कम्पनीले १३ करोड ७ लाख रुपैयाँ मुनाफा आर्जन गरेको थियो ।
कम्पनीले विभिन्न क्षेत्रमा कर्जा लगानी गरेर एक अर्ब ४२ करोड रुपैयाँ आर्जन गरेको छ । गत वर्षको यहि अवधिमा एक अर्ब १० करोड रुपैयाँ आर्जन गरेको थियो । कम्पनीले दिर्घकालिन क्षेत्रमा गरेको लगानी घटाएर अन्य क्षेत्रमा लगानी बढाएको छ । कम्पनीको दिर्घकालिन क्षेत्रमा १४ अर्ब ७० करोड रुपैयाँ लगानी गरेको छ ।
कम्पनीले जीवन बीमा व्यवसाय गरेर यस वर्ष खुद बीमा शुल्क आर्जन ४८ प्रतिशतले बढाउन सफल भएको छ । कम्पनीले यस वर्ष ४ अर्ब ५९ करोड रुपैयाँ खुद बीमा शुल्क आर्जन गरेको छ । स्थापनाकालदेखि हालसम्म कम्पनीले २९ अर्ब ४४ करोड रुपैयाँ बीमा शुल्क आर्जन गरिसकेको छ । यस वर्षको कुल बीमा शुल्क आर्जन भने ४ अर्ब ६३ करोड रुपैयाँ छ ।
कम्पनीको चुक्ता पूँजी २ अर्ब एक करोड रुपैयाँ छ । जगेडा कोषमा ७३ करोड ४ लाख रुपैयाँ छ भने जीवन बीमा कोषमा २५ अर्ब ४२ करोड रुपैयाँ जम्मा भैसकेको छ ।
