काठमाडौं । लगातार नेपाली बजारमा सुनको मुल्य बढ्ने क्रम जारी रहेको छ । आज पनि बजारमा सुनको मूल्य २ सय रुपैयाँले बढेको छ । गत शुक्रबार तोलामा ९० हजार ५ सय रुपैयाँमा कारोबार भएको छापावाला सुनको मूल्य आज आइतबार २ सय रुपैयाँले बढेर तोलाको ९० हजार ७ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
तेजावी सुनको मूल्य आज ९० हजार २ सय रुपैयाँमा कारोबार भएको छ । गत शुक्रबार तेजावी सुनको मूल्य ९० हजार रुपैयाँ कायम भएको थियो ।
त्यसैगरी, आज चाँदीको मूल्य भने स्थिर रहेको छ । गत शुक्रबार तोलाको १ हजार ३ सय रुपैयाँमा कारोबार भएको चाँदीको मूल्य आज पनि सोही मूल्यमा कारोबार भएको महासंघले जनाएको छ ।
