काठमाडौं । आज पनि नेपाली बजारमा सुनको मूल्य घटेको छ । हिजो तोलामा ८६ हजार रुपैयाँमा कारोबार भएको छापावाला सुनको मूल्य आज ४ सय रुपैयाँले घटेर तोलामा ८५ हजार ६ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
त्यसैगरी, तेजावी सुनको मूल्य आज तोलाको ८५ हजार १ सय ५० रुपैयाँमा कारोबार भएको छ । हिजो तेजावी सुनको मूल्य तोलामा ८५ हजार ५ सय ५० रुपैयाँमा कारोबार भएको थियो ।
त्यस्तै, आज चाँदीको मूल्य पनि घटेको छ । हिजो तोलाको १ हजार २ सय १५ रुपैयाँमा कारोबार भएको चाँदीको मूल्य आज २० रुपैयाँले घटेर १ हजार १ सय ९५ रुपैयाँमा कारोबार भएको महासंघले जनाएको छ ।
