काठमाडौं । नेपाली कांग्रेसका युवा नेता पूर्वमन्त्री नवीन्द्रराज जोशीको आज निधन भएको छ । मस्तिष्कघात भई नर्भिक अस्पतालमा उपचार गराइरहेका जोशीको आज शुक्रबार राति ८ः२४ बजे मृत्यु भएको नर्भिक अस्पतालले जनाएको छ ।
फागुन १४ गते घरमै स्वास्थ्य समस्या देखिएपछि जोशीलाई वीर अस्पताल लगिएको थियो । मस्तिष्कघातको समस्या देखिएपछि अस्पतालले सुरुदेखि नै भेन्टिलेटरको सहायतामा उपचार गरिरहेको थियो । उपचारकै क्रममा उनको आज निधन भएको जनाएको छ ।
