हाइड्रोइलेक्ट्रिसिटी एण्ड इन्भेष्टमेन्ट कम्पनी लिमिटेडले (एचआईडीसीएल) सेयरधनीलाई १० प्रतिशत बोनस सेयर दिने भएको छ ।
कम्पनीको सञ्चालक समितिको पुस ८ गते बसेको १७४ औँ बैठकले हाल कायम रहेको १० अर्ब रुपैयाँ चुक्ता पूँजीको १० प्रतिशतले हुन आउने १ अर्ब रुपैयाँ बोनस सेयर र बोनस सेयरको कर प्रयोजनका लागि २ करोड १० लाख ५२ हजार ६ सय ३१ रुपैयाँ नगद लाभांश दिने प्रस्ताव गरेको छ ।
साथै कम्पनीले शतप्रतिशत हकप्रद शेयर पनि जारी गर्ने छ । कम्पनीको आउँदो पुस ३० गते हुने सातौं वार्षिक साधारणसभाले १ अर्ब रुपैयाँ बोनस सेयर दिने प्रस्ताव पारित गर्ने छ । साथै सभाले १०० प्रतिशत हकप्रद सेयर निष्कासन गर्ने प्रस्ताव पारित गर्ने पनि कम्पनीले जनाएको छ ।
एचआईडीसीएलले पुँजी दोब्बर बढाएर २० अर्ब रुपैयाँ पुर्याउन १ बराबर १ अनुपातमा हकप्रद सेयर निष्कासन गर्न लागेको हो ।
