काठमाडौं । नेपाल लाइफ इन्स्योरेन्स कम्पनी अन्र्तगतको पेशागत बीमा अभिकर्ता संघ बाग्लुङले बृहत् अभिकर्ता भेला तथा बीमा सशक्तीकरण कार्यक्रम गर्ने भएको छ । कार्यक्रम फागुन २३ गते बाग्लुङ बजारमा हुने भएको छ।
संघको बिहिवार बसेको बैठकले धौलागिरी अञ्चलका सम्पुर्ण अभिकर्तालाई बीमासम्बन्धि तथा संघ र अभिकर्ताको हकाधिकार को बिषयमा अन्तरक्रिया सहितको व्यापक भेला गर्ने निर्णय गरेको संघका अध्यक्ष रामशरण पोखरेलले जानकारी दिएका छन् ।
धौलागिरीको बाग्लुङ, पर्वत र म्यग्दिका गरि पाँचवटा शाखा तथा उपशाखाबाट अभिकर्ताहरु सहभागी हुने र सो कार्यक्रमलाइ सम्बोधनका लागि पेशागत बीमा अभिकर्ता संघ नेपाल का अध्यक्ष नन्द प्रसाद तिवारी र अभिकर्ता संघ बिमक समितीका केन्द्रिय अध्यक्ष राजेन्द्र आमत्य लगायत बाग्लुङ आउने कार्यक्रम तय भएको छ ।
संघको बागलुङ शाखासमितिले थाहा पाएका र नपाएका सबै अभिकर्तालाई उक्त कार्यक्रममा उपस्थित भै लाभ लिन अनुरोध समेत गरेको छ।
