काठमाडौं । नेप्से १२ दशमलव ५६ अंकले बढेर २५९९ दशमलव ०७ को विन्दुमा कायम भएको छ । हाईड्रोपावर र अन्य क्षेत्रको बोहक अन्य उपसूचकमा हरीयाली छाएको छ ।
आइतबार २ सय ४ सय वटा कम्पनीको १ करोड ६७ लाख २६ हजार ४ सय ७२ कित्ता शेयर किनबेच हुँदा ६ अर्ब ७० करोड रुपैयाँ भन्दा बढीको कारोबार भएको छ ।
आज सबैभन्दा धेरै नेपाल बैंकको ५८ करोड २५ लाख रुपैयाँको कारोबार भएको छ । त्यस्तै, निफ्राको ५५ करोड ९९ लाख रुपैयाँ बराबरको कारोबार भएको छ।
आइएमई जनरल इन्स्योरेन्सका लगानीकर्ताले सर्वाधिक धेेरै १० प्रतिशतले कमाएका छन् भने नेपाल फाइनान्सका लगानीकर्ताले ९ दशमलव ९७ प्रतिशतले कमाएका छन् ।
निफ्राका लगानीकर्ताले ५ दशमलव ३९ प्रतिशतले गुमाएका छन् त्यस्तै अरुण भ्याली हाईड्रोपावरका लगानीकर्ताले ५ दशमलव ३२ प्रतिशतले गुमाएका छन् ।
बुधबार नेपाल इन्फ्राष्ट्रक्चर बैंकको कारोबारमा समस्या आउदा नेप्से परिसूचकमै तलमाथि भएको थियो। नेप्सेको प्रणालीले इन्फ्राको शेयरलाई १०० प्रतिशतले बढेको देखाइदिए पछि समस्या देखिएको हो।
