काठमाडौं । आज ८ अर्ब ४० करोड ६३ लाख रुपैयाँको शेयर कारोबार हुँदा सबैभन्दा धेरै एनआइसी एशिया बैंकको शेयर कारोबार भएको छ । बैंकको आज ३८ करोड २४ लाख रुपैयाँको कारोबार भएको छ । आज एनआइसी एशिया बैंकको शेयर मुल्य ३ दशमलव ८७ प्रतिशतले घटेको छ ।
त्यस्तै, निफ्राको ३२ करोड १२ लाख रुपैयाँ बराबरको कारोबार भएको छ। आज नेपाल इन्फ्राष्ट्रक्चर बैंकको शेयर मुल्य १० प्रतिशतले बृद्धि भएको छ । अर्थात ६० रुपैयाँले बढेको छ । त्यस्तै, निर्धन उत्थान लघुवित्तको ३० करोड ८३ लाख रुपैयाँको कारोबार भएको छ ।
शिखर इन्स्योरेन्सको २९ करोड ९८ लाख रुपैयाँभन्दा बढीको शेयर कारोबार भएको छ । कम्पनीको शेयर मुल्य आज ३५ रुपैयाँले बढेको छ । नेपाल लाइफ इन्स्योरेन्स कम्पनीको २९ करोड ८१ लाखभन्दा बढीको शेयर कारोबार भएको छ ।
