काठमाडौं । लोकसेवा आयोगले नायब सुब्बा तथा सो सरहका पदका लागि ४१२ कर्मचारीको माग गरेको छ । आयोगले धनकुटा कार्यालयका लागि विभिन्न पदमा ४७ जना, जलेश्वर कार्यालयका लागि ४९ जना, काठमाण्डौं कार्यालयका लागि १५१ जना, पोखरा कार्यालयका लागि ५२ जना, बुटवल कार्यालयका लागि ५३ जना, सुर्खेत कार्यालयका लागि २३ जना र दिपायल कार्यालयका लागि ३७ जना गरी जम्मा ४१२ जनाको दरखास्त खुलाएको छ ।
योग्यता पुगेका १८ वर्ष उमेर पूरा भई ३५ वर्ष ननाघेको र महिला तथा अपाङ्ग उम्मेदवारहरुको हकमा ४० वर्ष ननाघेको नेपाली नागरिकले आवेदन दिन सक्ने आयोगले जनाएको छ ।
ईच्छुक तथा योग्यता पुगेका नेपाली नागरिकले माघ २० गतेसम्म दरखास्त दिन सक्नेछन् भने डब्बर दस्तुर तिरेर माघ २७ गतेसम्म दरखास्त दिन सकिने आयोगले जनाएको छ ।
