काठमाडौँ । अपि पावर कम्पनी लिमिटेडले पुस ६ गते, सोमबारबाट पुस १३ गते, सोमबारसम्म लिलाम बढाबढ गरी बिक्री खुल्ला गरेको अवितरित हकप्रद शेयरमा परेका बोलपत्रहरू पुस १९ गते, आइतबार खोलिएको छ । उक्त बोलपत्रहरू पौष २३ गते बाँडफाँड गर्न कम्पनीको सञ्चालक समितिमा पेश गरिएको छ ।
बोलपत्रमा नपरेका बोलपत्रवालाहरुलाई बोलपत्र फाराममा उल्लेख गरेको बैंक खातामा पौष २७ गते, सोमबारबाट रकमान्तर गरिने पनि कम्पनीले जानकारी दिएको छ । आफ्नो खातामा रकम जम्मा भए नभएको यकिन गरी रकम जम्मा नभएको खण्डमा सिद्धार्थ क्यापिटल लिमिटेड नारायनचौर, नक्साल, काठमाडौंमा सम्पर्क राख्न आग्रह गरेको छ ।
बाँडफाँडमा परेको शेयरधनीहरुको शेयर नेपाल स्टक एक्सचेञ्ज र सिडिएस एण्ड क्लिययरिङ्ग लिमिटेडमा सूचिकृत भएपश्चात बोलपत्र फाराममा उल्लेख गरेको हितग्राही खातामा जम्मा गरिने जनाएको छ ।
कम्पनीले कार्तिक १४ गते, शुक्रबारदेखि मंसिर ४ गते, बिहीबारसम्म निष्कासन तथा बिक्री खुला गरेको हकप्रद शेयरमा आवेदन नपरेको सर्वसाधारण समूहको १३ लाख ४६ हजार २ सय १८ कित्ता शेयर लिलाम बढाबढ गरी बिक्री खुल्ला गरेको थियो ।
