काठमाडौं । सानिमामाई हाइड्रोपावर कम्पनी र बोटलर्स नेपाल बालाजु कम्पनीको साधारण सभा भोलि बिहीवार हुने भएको छ ।
सानिमा माई हाइड्रोपावरले बिहान ११ बजे र बोटलर्स नेपाल बालाजुले दिउँसो २ बजे साधारण सभा गर्ने जनाएको छ । सानिमा माई हाइड्रोपावरले गत आवको मुनाफाबाट शेयरधनीलाई १० प्रतिशत बोनस शेयर र ५ प्रतित नगद लाभांश वितरण गर्ने प्रस्ताव पारित गर्नेछ ।
सभा अकामा होटल काठमाडौंमा आयोजना गर्ने कार्यक्रम तय भएको कम्पनीले बताएको छ । पुस १२ गतेसम्म कायम शेयरधनीले लाभांश पाउनेछन् ।
त्यसैगरी बोटलर्स नेपाल बलाजुले कम्पनीको कार्यालय बालाजुमा साधारण सभा बोलाएको छ । कम्पनीले आव २०७६/७७ को वार्षिक प्रतिवेदन छलफल गरी पारित गर्ने जनाएको छ ।
