काठमाडौं । बीमा समितिले कोरोना बीमाको दावी पेश गर्ने ३५ हजार ८२६ जना कोरोना बीमितको फाईल प्रमाणिकरण गरिएको जनाएको छ ।
नियमित सूचना सम्प्रेषण गर्दै बीमा समितिले जनाए अनुसार कूल १७ हजार ९४७ जना बीमितले कूल एक अर्ब ७४ करोड ८० लाख ५० हजार रुपैयाँ दावी भुक्तानी बुझेका छन् ।
समितिका अनुसार २८९३ वटा फाईल प्रक्रियामा रहेको, ४३३० वटा फाईल प्रमाणिकरणको प्रक्रियामा रहेको, ५७६ वटा फाईल स्वास्थ्य सेवा विभागमा पठाउन तयारी अवस्थामा राखिएको र २३६३ वटा फाईल कागजात नपुगेकाले बीमा कम्पनीमै फिर्ता गरिएको जनाएको छ ।
