काठमाडौं । लक्ष्मी इक्विटी फण्डको प्रति इकाई खुद सम्पत्तिको मूल्य (एनएभी) वृद्धि भएको छ । कार्तिक महिनाको तुलनामा मंसिर महिनामा खुद सम्पत्तिको मूल्य बृद्धि भएको छ । योजनाको कात्तिक मसान्त सम्ममा प्रतिइकाई खुद सम्पत्ति ११.४८ रुपैयाँ रहेकोमा मंसिर मसान्तमा वृद्धि भएर १२.५५ पुगेको हो ।
सो फण्डको एनएभीमा आएको बृद्धिसँगै नाफामा पनि वृद्धि भएको छ । उक्त योजनाले कात्तिक मसान्तमा ७ करोड ६८ लाख ७ हजार रुपैयाँ नाफा आर्जन गरेकोमा मंसिर मसान्तमा वृद्धि भएर २१ करोड ३ लाख २५ हजार पुगेको छ । उक्त अवधीमा कोषको मुनाफा तीन गुणा बृद्धि भएको देखिएको छ ।
