काठमाडौं । पल्सर स्पोर्टस अवार्डमा डिस मिडिया नेटवर्क मुख्य सह–प्रायोजकका रुपमा रहने भएको छ । यस वर्षको पल्सर स्पोर्टस अवार्डमा डिस मिडिया नेटवर्क मुख्य सह–प्रायोजकका रुपमा रहने कम्पनीले जनाएको छ । अवार्डको आयोजक नेपाल खेलकुद पत्रकार मञ्च र डिस मिडियाबीच त्यससम्बन्धी सम्झौतापत्रमा हस्ताक्षर भएको हो ।
सम्झौत्रमा डिस मिडियाका प्रबन्ध निर्देशक सुदीप आचार्य र मञ्चका महासचिव प्रज्वल ओलीले सम्झौत हस्ताक्षर गरेका हुन् । यस सम्झौता एक बर्षको रहने कम्पनीले जनाइएको छ ।
सम्झौतापछि नगद ७ लाख र डिसको सेवा गरी झन्डै ११ लाख रुपैयाँ बराबरको प्रायोजन रहेको छ । केही वर्षयता डिस होम अवार्डको सह–प्रायोजक रहँदै आएको छ ।
डिस होमले अवार्डका १३ थान कनेक्सन (दुई वर्षको रिचार्ज सहित), २० जना मनोनितहरुलाई २० थान, डिसहोम कनेक्सन एक वर्षको रिचार्ज सहित र १३ थानसेट–टप बक्स दुई बर्षको रिचार्ज सहित उपलब्ध गराउने जनाएको छ ।
पुस २८ गते १० विधामा अवार्ड दिइने मञ्चले यसअघि नै जानकारी गराइसकेको छ । अवार्ड अन्तर्गत पिपल्स च्वाइस विधाको मनोनयन सार्वजनिक भएको थियो । त्यसमा पौडीकी गौरीका सिंह, भलिबलकी अरुणा शाही, बास्केटबलकी सदिना श्रेष्ठ, फुटबलकी सावित्रा भण्डारी र कराँतेका मण्डे काजी श्रेष्ठ मनोनयनमा परेको समेत जनाएको छ ।
पिपल्स च्वाई अवार्डको विजेताको चयन ई–सेवाबाट भोटिङ, फेसबुक लाइक, आयोजक नेपाल खेलकुदपत्रकार मञ्चका सदस्यहरूको मत र राष्ट्रिय खेल संघका मुख्य प्रशिक्षकको मतका आधारमा गरिनेजनाइएको छ भने ई–सेवाबाट भोटिङ प्रक्रिया गत साता नै सुरु भइसकेको कम्पनीले जनाएको छ ।
