काठमाडौं । साताको अन्तिम दिन नेप्से २९ अंकले घटेको छ । कारोबार परिसूचक घटेसँगै नेपाल स्टक एक्सचेन्जमा बिहिवार नेप्से २०३८.६३ बिन्दु कायम भएको छ ।
केहीदिन देखि लगातार बढि रहेको नेप्से साताको अन्तिम दिन घट्नुलाई नाफा बुक गर्ने प्रयास भएको देखिएको छ । बिहिवार कूल ९८ लाख ६० हजार ५३६ कित्ता शेयर पाँच अर्ब ३६ करोड ९० लाख ४६ हजार ३२२ रुपैयाँको शेयर कारोबार भएको छ ।
कूल २०४ वटा कम्पनीको शेयर कारोबार भएकोमा ओरियन्टल होटल र सोल्टी होटलको सबैभन्दा धेरै मूल्यबृद्धि भएको छ । त्यस्तै, समृद्धि फाईनान्स र युनाईटेड मोदी हाईड्रोपावरको शेयर मूल्य घटेको छ ।
