काठमाडौं । इण्डोनेशियाको बाटिक एयरका दुईजना विमान चालक पाइलट उडानका क्रममै आधा घण्टासम्म कक पिट भित्रै निदाएको घटना सार्वजनिक भएपछि हवाई उड्ययन क्षेत्रमै तरङ पैदा गरिदिएको छ।
नेसनल ट्रान्सपोर्टेसन सेफ्टी कमिटीले जारी गरेको प्रारम्भिक प्रतिवेदन अनुसार जनवरी २५ मा दक्षिणपूर्वी सुलावेसी प्रान्तको केन्डारीबाट राजधानी जकार्ताका लागि उडेको उडानका क्रममा पाइलट र को-पाइलट दुबै एकैसाथ २८ मिनेट निदाएका थिए। उनीहरु निदाएकै कारण विमान सही उडान मार्गमा थिएन।
इन्डोनेसियाको यातायात मन्त्रालयले हालैको उडानको क्रममा बाटिक एयरका दुई पाइलटलाई निलम्बन गरेको छ।समाचार एजेन्सी अन्ताराका अनुसार, मन्त्रालयका नागरिक उड्डयन महानिर्देशक एम क्रिस्टी एन्डाह मुर्नीलाई उद्धृत गर्दै।
रिपोर्टका अनुसार, सहायक पाइलटले जहाजको मुख्य पाइलटलाई आफूले अघिल्लो दिन पर्याप्त आराम नपाएको जानकारी गराएका थिए । सहायक पाइलटले “लगभग ३० मिनेट” सुत्ने मौका पाए। विमान केन्दरीबाट उडेर क्रुजिङ उचाइमा पुगेपछि मुख्य पाइलटले पनि आराम गर्न अनुमति मागे र सहायक पाइलटले विमानलाई नियन्त्रणमा लिए। उडानको लगभग ९० मिनेटपछि, सहायक पाइलट पुनः निदाई दिएका थिए।
सह पाइलटको आवाज अन्तिम रेकर्ड गरिएको प्रसारणको १२ मिनेट पछि, जकार्ता क्षेत्र नियन्त्रण केन्द्रले विमानमा सम्पर्क गर्ने प्रयास गर्यो, तर पाइलटहरूबाट कुनै जवाफ आएन। अन्तिम रेकर्ड गरिएको प्रसारणको लगभग २८ मिनेट पछि, पाइलट-इन-कमान्ड ब्युँझिए र विमान सही उडान मार्गमा नभएको महशुस गरे। त्यस बिन्दुमा, उनले सेकेन्ड-इन-कमान्डलाई जगाए र एटीसीलाई जवाफ दिएका थिए। प्रारम्भिक प्रतिवेदनमा पाइलट-इन-कमान्डले एसीसीलाई उडानले “रेडियो कम्युनिकेसन समस्या” अनुभव गरेको दाबी गरेका थिए ।
जहाजमा सवार सबै १५३ यात्रु र उडान दलका ६ सदस्य सकुशल रहेका थिए । विमानमा कुनै पनि क्षति भएन। उडान,बिकेटी६७२३ नम्बरको यो हवाई उडान दुई घण्टा ३५ मिनेटसम्म जारी रह्यो । त्यसपछि अन्त्यमा जकार्ता विमानस्थलमा सफलतापूर्वक अवतरण गरेको थियो।मुख्य पाइलट ३२ वर्षिय र सहायक पाइलट २८ वर्षिय यूवक हुन् । मुख्य पाइलटसँग ६ हजार घण्टाभन्दा बढी समयसम्म हवाई उडान गरेको अनुभव छ।
