काठमाडौं । साविक लुम्बिनी जनरल इन्स्योरेन्स कम्पनीका प्रमुख कार्यकारी अधिकृत नुर प्रकाश प्रधान नेपाल पुनर्बीमा कम्पनीको बरिष्ठ सल्लाहकार ‘सिनियर कन्सल्टेन्ट’मा नियुक्त भएका छन् । प्रधान चैत एक गतेदेखि नै सल्लाहकारको रुपमा काम गर्दै आइरहेका छन् ।
साविक लुम्बिनी जनरल इन्स्योरेन्स कम्पनी र सगरमाथा इन्स्योरेन्स कम्पनी मर्जर भई गत फागुन २९ गतेदेखि एकिकृत कारोबार सुरु भएको थियो । मर्जर पश्चात साविक सगरमाथाका सिइओ चंकी क्षेत्री सगरमाथा लुम्बिनी इन्स्योरेन्स कम्पनीका प्रमुख कार्यकारी भएका छन् ।
मर्जर कमिटीले क्षेत्रीलाई प्रमुख कार्यकारी अधिकृतमा निरन्तरता दिए पछि प्रधान बाहिरिएका थिए । प्रधान बाहिरिए सँगै नेपाल पुनर्बीमाले उनलाई विज्ञको रुपमा काम गर्न अनुरोध गरेको थियो । उनले विज्ञका रुपमा मात्रै काम गर्नेछन् । यसका लागि उनलाई कम्पनीले मासिक एक लाख रुपैयाँ पारिश्रमिक दिने छन् । उनले निर्जीवन बीमा विज्ञको रुपमा जिम्मेवारी भएका हुन् । प्रधान बीमा क्षेत्रमा धेरै लामो समयदेखि कार्यरत छन् ।
