काठमाडौं । सेन्ट्रल फाइनान्सले आफ्नो २६औं वार्षिक साधारण सभा पुस २९ गते गर्ने भएको छ कम्पनीको पुस ७ गते बसेको संचालक सििमतको बैठकले उक्त सभाको मिति य गरेको हो ।
कम्पनीले आर्थिक वर्ष ७८/७९ को मुनाफाबाट ५ प्रतिशत नगद लाभांश बितरण गर्ने प्रस्ताव गरेको छ । कम्पनीको साधारण सभाले उक्त प्रस्ताव पारित गर्नेछ ।
सभाले सञ्चालक समितिको तर्फबाट अध्यक्षले पेश गर्ने वार्षिक प्रतिवेदन पारित गर्ने, लेखा परीक्षकको प्रतिवेदन सहितको २०७२ साल असार मसान्तको वासलात तथा मिति २०७८/४/१ देखि २०७९ /३ / ३२ सम्मको नाफा नोक्सान हिसाब तथा सोही अवधिको नगद प्रवाहको विवरण पारित गर्ने प्रस्ताव पारित गर्नेछ ।
सभाले लेखा समितिको सिफारिस बमोजिम आर्थिक वर्ष २०७९/८० को लागि लेखा परीक्षकको नियुक्ति र निजको पारिश्रमिक निर्धारण गर्ने, सञ्चालक समितिमा संस्थापक शेयरधनीहरुको तर्फबाट प्रतिनिधित्व गर्ने सञ्चालक संख्या ३ र सर्वसाधारण शेयरधनीहरुको तर्फबाट प्रतिनिधित्व गर्ने सञ्चालक संख्या ३ को निर्वाचन गर्ने प्रस्ताव पारित गर्नेछ ।
सभाले सञ्चालकहरुको सुविधा वृद्धि गर्ने तथा सोसँग सम्बन्धित नियमावली संशोधन गर्ने लगायतका प्रस्ताव पारित गर्नेछ । कम्पनीले साधारणसभा प्रयोजनको लागि पुस १७ गतेदेखि पुस २९ गतेसम्म बुक क्लोज गर्ने निर्णय गरेको छ । पुस १६ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउनेछन् ।
1671774042090
