काठमाडौं । बीमा समितिले जीवन तथा निर्जीवन बीमा कम्पनीको पूँजी बृद्धि गरे सँगै आइतबार अधिकाम्स कम्पनीको शेयर मूल्यमा सर्किट लागेको छ । समितिले गत बिहीबार जीवन बीमा कम्पनीको न्युनतम चुक्ता पूँजी ५ अर्ब र निर्जीवन बीमा कम्पनीको साढे दुई अर्ब रुपैयाँ निर्धारण गरिदिएको छ ।
हाल जीवनको २ अर्ब र निर्जीवनको एक अर्ब रुपैयाँ छ । समितिले अवको एक महिना भित्रमा सम्पुर्ण बीमा कम्पनीहरु सँग क्यापिटल प्लान मागेको छ । उनिहरुले एक महिनाको अवधिमा कुन कुन विधिबाट तोकिएको पूँजी जुटाउने हो सोको योजना पेश गर्नुपर्नेछ ।
हाल बीमा कम्पनीहरु सँग पूँजी बृद्धिको एक मात्रै विकल्प हकप्रद शेयर निष्काशन गर्ने रहेको छ । त्यसैले गर्दा अवको एक महिना पछि बीमा कम्पनीहरुले हकप्रद शेयर निष्काशनको लागि प्रकृयाँ अगाडी बढाउनु पर्नेछ । त्यसैले बीमा कम्पनीको शेयरमा लगानीकर्ताको आकर्षण देखिएको हो ।
थोरै मूल्य भएका बीमा कम्पनीको शेयरमा लगानीकर्ताको आकर्षण देखिएको हो । आज सबैभन्दा धेरै निर्जीवन बीम कम्पनीको शेयर मूल्यमा आकर्षण देखिएको हो ।
