काठमाडौं । आजदेखि एनआईसी एशिया बैंकले संस्थापक शेयर विक्रीमा ल्याएको छ । बैंकले १ हजार ८०० कित्ता संस्थापक शेयर विक्रीमा ल्याएको हो ।
कम्पनीले शेयरधनी उषा गोल्छाको नाममा रहेको शेयरमध्येबाट शेयर विक्रीको आव्हान गरेको एक सुचना जारी गर्दै जनाउको छ । शेयर खरीद गर्न इच्छुक विद्यमान संस्थापक शेयरधनीहरुले सूचना प्रकाशित भएको मितिले ३५ दिनभित्र आवेदन दिन सकिने बैंकले बताएको छ ।
तोकिएको अवधिभित्र आवश्यक कागजातसहित बैंकको रजिष्टर्ड कार्यालय ट्रेड टावर थापाथली, काठमाडौंमा निवेदन बुझाउन बैंकले आग्रह गरेको छ । तोकिएको अवधिभित्र विद्यमान संस्थापक शेयरधनीहरुबाट आवेदन नपरेमा प्रचलित नियम बमोजिम अन्य व्यक्ति तथा संस्थाहरुमा उक्त शेयर विक्री गरिने बैंकले सोही सुचनामा जनाएको छ ।
