काठमाडौं । नेको इन्स्योरेन्स कम्पनी खुद बीमा शुल्क आर्जन र खुद मुनाफामा पहिलो हुन सफल भएको छ । गत आर्थिक वर्ष २०७७/७८ मा नेको इन्स्योरेन्स कम्पनीले प्राय पहिलो स्थानमा रहदै आएको शिखर इन्स्योरेन्स कम्पनीलाई खुद बीमा शुल्क तथा खुद मुनाफामा टप्न सफल भएको हो ।
कम्पनीको संचालक समिति र व्यवस्थापनको ध्यान कम्पनीलाई कुन स्थान प्राप्त हुन्छ भन्ने भन्दा पनि कम्पनीको लक्ष ग्राहकको सन्तुष्टी रहेको प्रमुख कार्यकारी अधिकृत अशोक कुमार खड्का बताउछन् । ग्राहकको सन्तुष्टीमा केन्द्रित रही सेवा प्रदान गर्दै जाँदा खुद बीमाशुल्क र खुद नाफामा निर्जीवन बीमा कम्पनीहरु मध्ये नेको अग्रस्थानमा पर्न सफल भएको हो ।
कोभिड १९ को महामारीको अवधिमा पनि निर्जीवन बीमा कम्पनीहरुले समग्रमा खुद बीमा शुल्क आर्जन १८ प्रतिशतले बढाउन सफल भएका छन् भने खुद मुनाफा ४.०२ प्रतिशतले बढाउन सफल भएका हुन् । कोभिड १९ का कारण नेपाल सरकारले निरन्तर रुपमा निषेधाज्ञा गरिरहेको छ । साथ साथै अत्यावस्यक किसिमका व्यापार व्यवसाय बाहेक अन्य व्यवसाय प्राय ठप्प छ । यसबा बाबजुत पनि निर्जीवन बीमा कम्पनीले व्यवसाय भित्र्याउन तथाल मुनाफा बढाउन सफल भएका हुन् । व्यवसायको बृद्धि भए अनुसार मुनाफामा भने खासै सुधार देखिदैन ।
विषम परिस्थितिमा पनि नेको इन्स्योरेन्स कम्पनी व्यवसाय विस्तारमा पहिलो हुन सफल भएको छ । त्यस्तै दोस्रो स्थानमा शिखर इन्स्योरेन्स कम्पनी रहेको छ । अघिल्ला वर्षहरुमा शिखर अग्रणी स्थानमा रहदै आएकोमा आक्रामक सुधारका कारण नेको पछिल्ला दुई वर्षमै पहिलो हुन सफल भएको छ ।
नेको इन्स्योरेन्सले गत वर्ष १७ दशमलब ३७ प्रतिशतले मुनाफा बढाउन सफल भएको छ । मुनाफामा अघिल्लो वर्ष पनि पहिलो स्थानमा रहेको नेकोले ४६ करोड ६ लाख रुपैयाँ मुनाफा गरेको थियो । कम्पनीले गत वर्ष ५४ करोड ६ लाख रुपैया मुनाफा
दोस्रो स्थानमा रहेको शिखरले पनि गत वर्ष ५ दशमलब ६९ प्रतिशतले मुनाफा बढाउन सफल भएको छ । शिखरले ४७ करोड ५७ लाख रुपैयाँ मुनाफा आर्जन गरेको हो । तेस्रो स्थानमा रहेको सगरमाथाले पनि १८ दशमलब ५७ प्रतिशतले मुनाफा बढाउदै ४५ करोड १५ लाख रुपैयाँ आर्जन गरेको छ ।
खुद बीमा शुल्क आर्जन तर्फ हेर्ने हो भने पनि नेको पहिलो स्थानमा छ । अघिल्लो आर्थिक वर्षमा पनि नेको इन्स्योरेन्स खुद बीमा शुल्क आर्जनमा पहिलो थियो । कम्पनीले गत आर्थिक वर्षमा एक अर्ब ६३ करोड रुपैयाँ खुद बीमा शुल्क आर्जन गरेको छ । अघिल्लो आर्थिक वर्षमा भने एक अर्ब २७ करोड रुपैयाँ थियो । निर्जीवन बीमा व्यवसायमा नेकोको बजार हिस्सा १४.०६ प्रतिशत रहेको छ ।
त्यस्तै दोस्रो स्थानमा रहेको शिखले पनि ९ प्रतिशतले खुद बीमा शुल्क आर्जन बढाउन सफल भएको छ । शिखरले एक अर्ब २९ करोड रुपैयाँ खुद बीमा शुल्क आर्जन गर्न सफल भएको छ । निर्जीवन बीमा व्यवसायमा शिखरको मात्रै बजार हिस्सा १०.९७ प्रतिशत रहेको छ ।
तेस्रो स्थानमा रहेको सगरमाथा इन्स्योरेन्सले पनि गत आर्थिक वर्षमा खुद बीमा शुल्क आर्जन २५ प्रतिशतले बढाउन सफल भएको छ । सगरमाथाले एक अर्ब २३ करोड रुपैयाँ खुद बीमा शुल्क आर्जन गर्न सफल भएको छ । निर्जीवन बीमा व्यवसायमा सगरमाथाको बजार हिस्सा १०.४४ प्रतिशत रहेको छ । सर्वाधिक व्यवसाय गर्ने तीन निर्जीवन बीमा कम्पनीहरुको बजार हिस्सा मात्रै ३५.४७ प्रतिशत रहेको छ ।
नयाँ आएका तीन निर्जीवन बीमा कम्पनीहरु मध्ये अजोड आक्रामक देखिएको छ । अजोडले गत वर्ष २६ प्रतिशतले खुद बीमा शुल्क आर्जन बढाउन सफल भएको छ । यस अवधिमा कम्पनीले ३८ करोड ३८ लाख रुपैयाँ खुद बीमा शुल्क आर्जन गरेको छ । कम्पनी १४ औ स्थानमा रहेको छ ।
कम्पनीहरुको उक्त मुनाफाबाट लाभांस पाउन भने अझै केहि समय कुर्नु पर्नेछ । निर्जीवन बीमा कम्पनीहरुले एनएफआरएस प्रणाली अनुसार गत वर्ष नै वित्तीय विवरण तयार पारिसकेकोले गर्दा यस वर्ष छिट्टै साधारणसभा गर्न सक्नेछ । एक्चुरियल मूल्याङ्कन लागयतका केहि प्राविधिक कामले गर्दा चैत सम्ममा निर्जीवन बीमा कम्पनीहरुले साधारणसभा सक्ने अनुमान गर्न सकिन्छ ।