काठमाडौं । नेशनल लाईफ इन्स्योरेन्स कम्पनी लिमिटेड’का सर्वोत्कृष्ट शाखा प्रमुखको रुपमा प्रेमकुमार राई सम्मानित भएका छन् । कम्पनीले आज आयोजना गरेको एक कार्यक्रमकाबीच देशभरबाट सबैभन्दा आकर्षक र उच्च व्यवसाय गर्न सफल शाखाको रुपमा उदयपुरको गाईघाट शाखा प्रमुख राई सम्मानित भएका हुन् ।
एक दशकभन्दा बढी समयअघिदेखि कारोबार सुरु भएको गाईघाटमा शाखा स्थापना कालदेखि नै राई प्रमुखको रुपमा कार्यरत छन् । कम्पनीको कुल नेपालभर बिभिन्न जिल्लामा रहेका १०१ शाखामध्येबाट उत्कृष्ट घोषित भएका राईलाई काठमाडौंस्थित चन्द्रगिरी हिल्स एण्ड रिसोर्टमा आयोजित कार्यक्रममा खादा ओढाएर सम्मानपत्र प्रदान गरिएको कम्पनीले जनाएको छ ।
सम्मानित भएपछि ३६ औँ शाखा गाईघाटको स्थापना हुदा देखेको सपना आबद्ध कर्मचारी र अभिकर्ताहरुको सहयोगबाट सार्थक भएको राईले प्रतिक्रिया दिएका छन् ।
कम्पनीको आधिकारिक वेबसाईटका अनुसार करिब ९ लाख बढीलाई प्रत्यक्ष बीमा सेवा दिदै आएको नेशनल लाइफको १ नम्बर प्रदेशमा मात्र २० वटा शाखा रहेको कम्पनीले बताएको छ ।
