काठमाडौं । आज प्रभु बैंकले उपत्यकाभित्र तथा उपत्यका बाहिरका केही शाखाहरु खुला गरी सेवा दिने भएको छ । कोभिड महामारीको कारणले गर्दा प्रभु बैंकले ग्राहकहरुको सुविधालाई मध्यनजर गर्दै सबै शाखा बन्द नगरी केही शाखा कार्यालय सेवा खुला गरी दिँदै आएको छ । आज जेठ ४ गते बैंकको विभिन्न शाखा कार्यालयहरु विहान ११ बजेदेखि दिउँसो २ बजेसम्मका लागि खुल्ला हुने जानकारी गराइएको छ ।
बैंकले सातै वटा प्रदेशका विभिन्न शाखा कार्यालय मार्फत आफ्ना ग्राहकहरुलाई बैंकिङ सेवा दिने जनाइएको छ । बैंकले प्रदेश नं १ कोे पाँच वटा शाखा , प्रदेश दुईको ३ वटा शाखा कार्यालय, बागमति प्रदेशको २७ वटा शाखा कार्यालयबाट सेवा दिने जनाएको छ ।
त्यस्तै, गण्डकी प्रदेशको १३ वटा शाखा कार्यालय, लुम्बिनी प्रदेशको ३ वटा शाखा कार्यालय, कर्णली प्रदेशको ३ वटा शाखा कार्यालय र सुदुर पश्चिमको ३ वटा शाखा कार्यालयबाट सेवा दिने जनाएको छ ।
साथै, बैंकले डिजिटल बैंकिङ कारोबार गर्न समेत बैंकले ग्राहकहरुलाई आग्रह गरेको छ ।
