काठमाडौं। जनरल इन्स्योरेन्स कम्पनीले महाप्रवन्धक एसके टमोटलाई विदाइ गर्ने भएको छ। कम्पनीले टमोटको यस अगाडि तीन महिनाको कार्यकाल थप गरेको थियो। स्रोतका अनुसार कम्पनीले उनलाई थप कार्यकालका लागि नबोलाउने भएको हो।
टमोट बाहिरिएसँगै कम्पनीले लुम्बनी जनरल इन्स्योरेन्स कम्पनीको नायव प्रमुख कार्यकारी अधिकृत रामचन्द्र श्रेष्ठलाई भित्र्याउने भएको हो। स्रोतका अनुसार श्रेष्ठले कम्पनीको अफर लेटर बुझिसकेका छन्। नियम अनुसार नायव प्रमुख कार्यकारी अधिकृतलाई एक महिनाको कुलिङ पिरियड लागु हुने भएकाले उनलाई एक महिना पछि मात्रै नियुक्ती गरिने छ।
कम्पनीको स्थापना कालदेखिनै टमोट महाप्रवन्धकमा थिए। उनको कार्यकाल गत कार्तिक १८ गते नै सकिएको भए पनि सञ्चालक समितिले प्रमुख कार्यकारी अधिकृत आउन ढिलाइ हुने भन्दै टमोटलाई थप तीन महिना थप गरेको थियो।
