काठमाडौं । नेप्सेमा प्राविधिक समस्या आउँदा कारोबार प्रभावित भएको छ । नेप्सेको कारोबार व्यवस्थापन प्रणाली टिएमएसको पोर्ट कनेक्सनमा समस्याा आउँदा लगानीकर्ता, ब्रोकर र नेप्सेबीचमा सम्पर्क बिच्छेद भएको जनाइएको छ ।
नेप्सेले केहीबेर अघि सूचना जारी गर्दै टिएमएसमा समस्या आएपछि कारोबार स्थगित गरिएको जनाएको छ । कारोबार स्थगित हुँदा नेप्से छ अंकले बढेको अवस्था छ । आज बजार खुलेको केही समय शेयर कारोबार भएपछि ब्रोकर कम्पनीको युजरहरु स्वतः लगआउट भएका थिए ।
केही दिन पहिले पनि नेप्सेको साईटमा समस्या आउँदा दिनभर कारोबार रोकिएको थियो । आज पनि बन्द भएको समय थप गरी कारोबार सञ्चालन गरिने नेप्सेले जनाएको छ ।
