काठमाडौं । निर्धन उत्थान लघुवित्त वित्तीय संस्थाले चालु आर्थिक वर्षको दोस्रो त्रैमासको वित्तीय विवरण प्रकाशन गरेको छ । सस्ंथाले चालु आर्थिक वर्षको दोस्रो त्रैमाससम्ममा ४० करोड ४१ लाख रुपैयाँ खुद नाफा कमाएको छ । गत वर्षको सोही अवधिको तुलनामा संस्थाको नाफा २१ प्रतिशतले बढी हो । गत वर्षको यसै अवधिसम्म कम्पनीले ३३ करोड ३२ लाख २७ हजार रुपैयाँ खुद नाफा कमाएको थियो ।
चालु आर्थिक वर्षको यस अवधिसम्म बेंकले ९० करोड २१ लाख रुपैयाँ खुद ब्याज आम्दानी गरेको छ । गत वर्षको दोस्रो त्रैमाससम्म ७६ करोड ९२ लाख ३६ हजार रुपैयाँ खुद ब्याज आम्दानी गरेको थियो । गत आर्थिक वर्षको सोही अवधिको तुलनामा संस्थाको खुद व्याज आम्दानी १७ प्रतिशतले बढी हो ।
सञ्चालन नाफा पनि ५१ करोड ७६ लाख ३७ हजार रुपैयाँबाट बढाएर ६३ करोड ९८ लाख ४३ हजार रुपैयाँ पुर्याएको छ । गत आर्थिक वर्षको सोही अवधिको तुलनामा संस्थाको संचालन मुनाफा २३ प्रतिशतले धेरै हो ।
चालु आर्थिक वर्षको दोस्रो त्रैमाससम्म १२ अर्ब ३२ करोड ४ लाख ४७ हजार रुपैयाँ निक्षेप संकलन गरेको निर्धनले २० अर्ब ५० करोड ९७ लाख ६४ हजार रुपैयाँ कर्जा लगानी गरेको छ ।
प्रतिसेयर आम्दानी ४३ रुपैयाँ ८९ पैसा (वार्षिक) रहेको यस निर्धनको प्रतिसेयर नेटवर्थ २०० रुपैयाँ ६७ पैसा छ ।
