चलचित्र क्षेत्रमा जोखिम कम गर्न बीमा लागु, कुल लगानीको एक प्रतिशतमा बीमा हुने


नेपालको चलचित्र क्षेत्रको विकास  भएको लामो समय भईसकेको छ । चलचित्रको विकास सँगै यसको स्तरमा पनि वृद्धि हुदै गएको छ ।

तर चलचित्र निमार्णको क्रममा हुने जोखिम गर्न भने त्यक्ति ध्यान दिएको पाईदैन । त्यहि स्थितिलाई मध्यनजर गर्दै चलचित्र निमार्णको लागि पनि बीमा हुने भएको छ । तर यसलाई अनिवार्य रुपमा भने राखिएको छैन ।

चलचित्र निमार्ण अवधिमा आउने जोखिम कम गर्न बीमा निकै जरुरी रहेको नेपाल चलचित्र निमार्ता संघका अध्यक्ष आकाश अधिकारीले बताएका छन् ।

सोमबार देखि नै चलचित्रमा बीमा हुने नियम लागु भएको छ । जसमा निर्माण गर्न लागिएको चलचित्रको कुल लगानीको एक प्रतिशत शुल्क बुझाएर निर्माताले चलचित्रको बीमा गर्न सक्ने व्यवस्था गरिएको छ ।

यस बीमा चलचित्र निर्माता संघले गर्ने भएको छ । चलचित्र निर्माता संघले मुलुकमै पहिलो पटक निजी क्षेत्रबाट फिल्म बीमा हुने व्यवस्थाको गरेको जनाएको छ ।

नेपालमा निर्माण हुने कुनै पनि चलचित्रले आफूले जोखिम कम गर्न चाहने निर्माताले बीमा गर्न सकिने भएको छ । नेपाल चलचित्र निर्माता संघले सोमबार देखि ‘फिल्म बीमा’ लागु गरेको छ ।

यसलाई अनिवार्य भने गरिएको छैन । चलचित्र निमार्ताले निमार्ण अवधिमा हुने जेखिमलाई कसरी कम गर्नको लागि यस बीमा योजनाले निकै सहयोग गर्न  बताएका छन् ।

नेपाली चलचित्र क्षेत्रमा निमार्ण अवधिमा आउने थुपै बाधाहरु रहेका छन् । चलचित्र छायाङ्कनमा हुने विविध समस्यालाई पनि बीमाले कभर गर्ने  भएकाले पक्कै पनि यसले चलचित्र क्षेत्रमा राम्रो नै गर्छ भन्ने अपेक्षा रहेको छ । उनले भने हामीले चलचित्र बीमा लुम्बिनी जनरल इन्स्योरेन्स मार्फत गराएका छौ । नेपालको वातावरण अनुसार पनि मौसमले कतीपय बेलामा समस्या गराईरहेको हुन्छ ।

मानौ १० दिनको सुटिङ रहेको छ भने मौसमको प्रभावले विभिन्न समस्याहरु निम्त्याएर १५ दिन लागेको खण्डमा पनि बीमाले कभर गर्न भएकाले पक्कै पनि यसले राम्रो नै गर्न बताए ।

यसले चलचित्र क्षेत्रको निमार्ण अवधिसम्म भएका जोखिमलाई कम गर्न गर्दछ । चलचित्र निमार्णको काम सम्पन्न भईसकेपछि हुने कारोबारमा भने बीमा योजनाले काम नर्गने अधिकारी जानकारी दिएका छन् ।

यस अघि चलचित्र क्षेत्रमा जोखिम कम गर्न चलचित्र विकास बोर्डले दूर्घटना बीमा अनिवार्य रुपमा गराएको थियो ।

प्रतिक्रिया दिनुहोस्

सम्बन्धित समाचार